काठमाडौं । खो-खो विश्वकपको उपाधिका लागि आज नेपाली दुवै टोली आयोजक भारतसँग खेल्दैछन् । पुरुषतर्फको फाइनल खेल बेलुका ८:१५ बजे र महिलातर्फको बेलुका ७ बजे सुरु हुनेछ । खेल नयाँ दिल्लीमा रहेको इन्दिरा गान्धी इन्डोर स्टेडियममा हुनेछ ।
हिजो भएको सेमिफाइनलमा पुरुषतर्फ नेपालले इरान र भारतले दक्षिण अफ्रिकालाई हराउँदै फाइनलमा पुगेका हुन् । नेपालको पुरुष टोली उद्घाटन खेलमा भारतसँग पराजित भएको थियो ।
महिला टोली अपराजित रहँदै उपाधि नजिक पुगेको हो । नेपालको महिला टोलीले हिजो भएको सेमिफाइनलमा युगान्डालाई ८९–१८ ले पराजित गर्यो । त्यस्तै भारतले दक्षिण अफ्रिकालाई ६६–१६ ले हराउँदै नेपालसँग फाइनल खेल्न लागेको हो ।
यो खबर पढेर तपाईलाई कस्तो महसुस भयो ?
प्रतिक्रिया