आठ करोड लागतमा जिससको भवन निर्माण

नवलपरासी । झण्डै  आठ करोड लागतमा जिल्ला समन्वय समिति  (जिसस)  पश्चिम नवलपरासीको प्रशासनिक भवन निर्माण भएको छ । रामग्राम नगरपालिका–४ स्थित दुई बिघा दस कठ्ठामा भवन निर्माण भएको हाे ।  जिससको कामकाज यसअघि भाडाको भवनमा रहेको कार्यालयबाट भएको जिसस प्रमुख भगौतीप्रसाद यादवले बताए। 

उनले जिससको नवनिर्मित भवन नजिकै  १६ करोड लागतमा अन्तर्राष्ट्रियस्तरको सम्मेलन केन्द्र निर्माणको समेत योजना बनाइएको बताए । यद्यपि अहिले स्रोत व्यवस्थापनको काम भइरहेको उनको भनाइ छ ।

भगवान बुद्धको अष्टधातु भएको रामग्राम स्तूपदेखि करिब तीन किलोमिटर उत्तरमा अन्तर्राष्ट्रिय सम्मेलन केन्द्रको आवश्यकता भएसँगै निर्माणको तयारी सुरु गरिएको उनले बताए ।