तोलामा १९ सयले बढ्यो सुनको मूल्य

काठमाडौं । नेपाली बजारमा सुनको मूल्यमा वृद्धि भएको छ । मंगलबारको तुलनामा बुधबार सुनको मूल्य तोलामा १ हजार ९ सय रुपैयाँले वृद्धि भएको छ ।

हिजो नेपाली बजारमा प्रतितोला छापावाला सुनको मूल्य १ लाख ५८ हजार १ सय रहेको थियो, भने आज सुनको मूल्य वृद्धि भइ १ लाख ६० हजार कायम भइ कारोबार भइरहेको नेपाल सुनचाँदी व्यवसायी महासंघले जनाएको छ ।

त्यस्तै आज चाँदीको मूल्य तोलामा २० रुपैयाँले वृद्धि भएको छ । हिजो चाँदीको मूल्य १ हजार ८ सय ७५ रहेकोमा आज मूल्य वृद्धि भइ १ हजार ८ सय ९५ कायम भइ कारोबार भइरहेको छ ।