एकैपटक १८ एसएसपी र १७ एसपीको सरुवा, को कहाँ ?

काठमाडौं । नेपाल प्रहरीका जनपद समूह तर्फका प्रहरी उपरीक्षक (एसपी) तथा वरिष्ठ प्रहरी उपरीक्षक (एसएसपी) को सरुवा तथा पदस्थापन भएको छ ।

प्रहरी प्रधान कार्यालय नक्सालले शुक्रबार साँझ निकालेको सूचना अनुसार १८ एसएसपीको सरुवा भएको छ । त्यस्तै एसपीबाट एसएसपीमा बढुवा भएका २५ जनाको पदस्थापना भएको प्रहरी प्रधान कार्यालयले जनाएको छ ।

त्यस्तै नेपाल प्रहरी मातहतका विभिन्न कार्यलयमा कार्यरत १७ जना एसपीको सरुवा भएको छ ।

सरुवा सूची अनसार हाल नेपाल प्रहरी शिक्षालय भरतपुर, चितवनमा कार्यरत एसएसपी गंगा पन्तलाई कर्णाली प्रदेश प्रहरी कार्यालय शान्ति सुरक्षा महाशाखा, वीरेन्द्रनगरमा सुर्खेतमा सरुवा भएको छ ।

त्यस्र्तै राष्ट्रिय सुरक्षा परिषदु्को कार्यालय सिंहदरबार काठमाडौंमा कार्यरत सोमेन्द्र सिंह राठौरलाई त्रिभुवन अन्तर्राष्ट्रिय विमानस्थलमा सरुवा गरिएको छ ।

यता काठमाडौं उपत्यका अपराध अनुसन्धान कार्यालयमा कार्यरत एसएसपी सानुराम भट्टराईलाई प्रहरी प्रधान कार्यालय अन्तर्गतको अन्तर्राष्ट्रिय प्रहरी समन्वय महाशाखा सारिएको छ ।