छाउगोठमा सुतेकी महिलामाथि बाघको आक्रमण

काठमाडौं । कैलालीको मोहन्याल गाउँपालिका-७ कुइनेमा बाघको आक्रमणबाट एक महिला घाइते भएकी छन् ।

आइतबार राति साढे १० बजे  छाउगोठमा सुतिरहेको अवस्थामा ४० वर्षीया सरस्वती बिकलाई  बाघले आक्रमण  गरेको थियो ।

बाघको आक्रमणले उनको टाउको र मुखमा चोटमा लागेको मोहन्याल गाउँपालिकाका अध्यक्ष देवीदत्त उपाध्यायले जानकारी दिए ।  गाउँलेले होहल्ला गरेपछि बाघ भागेको उनको भनाई छ ।

बिकलाई अहिले उपचारको लागि लम्की ल्याउने तयारी गरिएको  छ ।