इन्द्रचोकबाट स्रोत नखुलेको झन्डै ४० लाख रुपैयाँ बरामद, एक जना पक्राउ

काठमाडौं । प्रहरीले काठमाडौंको इन्द्रचोकबाट स्रोत नखुलेको ३९ लाख ७८ हजार रुपैयाँसहित एक जनालाई पक्राउ गरेको छ ।

पक्राउ पर्नेमा चितवनको भरतपुर महानगरपालिका–१५ घर भई हाल काठमाडौं टोखा बस्ने ४८ वर्षीय माधव श्रेष्ठ छन् ।

उनलाई काठमाडौं उपत्यका प्रहरी कार्यालय रानीपोखरी इन्टिलिजेन्स शाखाबाट खटिएको टोलीले नगदसहित पक्राउ गरेको हो ।