काठमाडौं । प्रत्येक वर्ष पौष शुक्ल पूर्णिमादेखि माघ शुक्ल पूर्णिमासम्म एक महिनासम्म लाग्ने शालीनदी मेलामा सधैँजसो भीडभाड देखिन्छ ।
एकमहिनासम्म चल्ने मेलाको अन्तिम शनिबार अर्थात् माघ २६ गते देशभरबाट आएका दर्शनार्थीको ठूलो भीडभाड थियो ।
कोरोनाकाल बाहेक प्रत्येक वर्ष टाढाटाढाबाट समेत त्यहाँ स्नान गर्नेदेखि दर्शन गर्नेसम्मको भीडभाड देखिने गर्दछ ।
माधवनारायण स्वस्थानी व्रत बस्नेले बिहान माघ स्नान गरी नित्य मध्याह्नकालमा महादेवको पूजा गर्ने गर्छन् । बेलुकी स्कन्द पुराणको केदार खण्डअन्तर्गत माघ माहात्म्यको कुमार अगस्त्यबीच संवाद भएको स्वस्थानी व्रतकथा सुन्ने सुनाउने परम्परा छ । स्वस्थानी परमेश्वरीको व्रत बसे तथा उनको कथा भने र सुने मनोकांक्षा पूरा हुने धार्मिक विश्वास छ ।
एकमहिना चल्ने मेला धार्मिक हिसावले मात्र नभएर आर्थिक हिसावले पनि महत्वपूर्ण मानिन्छ । एक महिनामा लाखौँ भक्तजनहरुले त्यहाँ दर्शन गर्ने भएकाले व्यापारीहरुका लागि व्यापारको मुख्य मौका समेत देखिन्छ ।
बिहानको नास्तादेखि खानासम्मका लागि अस्थायी होटलहरु खुलेका छन् । त्यसको साथै लत्ताकपडा, हातहतियार, अन्य घरायसी सामग्रीहरुदेखि तरकारी र फलफूलको समेत राम्रो व्यापार हुने गरेको छ ।
तस्बिरहरु हेर्नुहोस् :
यो खबर पढेर तपाईलाई कस्तो महसुस भयो ?
प्रतिक्रिया