राष्ट्रिय रनिङ्ग शिल्ड दोहोरी गीत प्रतियोगिताको ८औँ संस्करण फागुन १७ देखि चितवनमा

लोकपथ
231
Shares

काठमाडौं । राष्ट्रिय रनिङ्ग शिल्ड दोहोरी गीत प्रतियोगिताको ८औँ संस्करण फागुन १७ गतेदेखि २० गतेसम्म हुने भएको छ । शनिबार चितवनमा पत्रकार सम्मेलन गरी  राष्ट्रिय लोक तथा दोहोरी गीत प्रतिष्ठानले जानकारी दिएको हो ।

फाल्गुन १७ गतेदेखि २० गतेसम्म  चितवनको सुन्दरनगरी भरतपुर नगरपालिकाको वडा नं. १० स्थित वीरेन्द्र क्याम्पसको डिग्री भवनको खेलमैदानमा आयोजना हुने प्रतिष्ठानकी अध्यक्ष रिता थापा मगरले बताइन् ।

प्रतियोगितामा प्रथम पुरस्कार ३ लाख, द्वितीय पुरस्कार  २ लाख, तृतीय पुरस्कार १ लाख र सान्त्वना पुरस्कार ५० हजार रुपैयाँ प्रदान गरिने बताइन् ।

प्रतियोगी कलाकारहरू मध्येबाट उत्कृष्ट गायक, उत्कृष्ट गायिका, उत्कृष्ट भेषभूषा, उत्कृष्ट नवगायक, उत्कृष्ट नवगायिकालाई समेत आकर्षक पुरस्कारको व्यवस्था गरिएको बताइन् । 

८औँ राष्ट्रिय रनिङ्ग शिल्ड दोहोरी गीत प्रतियोगितामा पचास लाख नेपाली र नेपाली भाषी दर्शकले अवलोकन गर्ने अपेक्षा गरेको छ । 

यो खबर पढेर तपाईलाई कस्तो महसुस भयो ?