काठमाडौं । आत्मरक्षाको खेल मानिने तेक्वान्दोको ‘फस्ट जुनियर भ्याली तेक्वान्दो च्याम्पियनशीप’ सम्पन्न भएको छ ।
शनिबार काठमाडौंको तारकेश्वर नगरपालिका–९ स्थित नर्थ पोल एकेडेमीको ग्राउण्डमा उक्त खेल सम्पन्न भएको हो ।
उक्त खेलमा विभिन्न स्कुलबाट प्रतिनिधित्व रहेको थियो । लिटिल लाइट मन्टेश्वरी र नर्थ पोल एकेडेमीको सहभागिता रहँदा लिटिल लाइट मन्टेश्वरीले प्रथम स्थान हासिल गरेको थियो । साथै नर्थ पोल एकेडेमी दोस्रो स्थान हासिल गर्न सफल भएको कार्यक्रम संयोजक छम बहादुर पुनले जानकारी दिए ।
नर्थ पोल एकेडेमीका प्रिन्सिपल डा. श्रीनिवास माधवनको अध्यक्षतामा सम्पन्न कार्यक्रममा नेविसंघका नेता रजित थापा प्रमुख अथिति, आइटीएफ नेपालको केन्द्रीय अध्यक्ष चेतनराज गिरी तथा एकीकृत समाजवादीका युवा नेता भुवन विक्रम पाण्डेको विशिष्ठ आथित्यतामा कार्यक्रम सम्पन्न भएको हो । कार्यक्रमको संयोजकमा छम बहादुर पुन र वीर प्रसाद बुढाथोकी रहेका थिए ।
उक्त प्रतियोगितामा पुरुषतर्फ १५ देखि ५५ केजी समूहका ८ टिम र महिलातर्फ १६ देखि ५० केजी समूहका ७ टिमले प्रतिष्पर्धा गरेका थिए । जसअन्तर्गत ७ वटा स्वर्ण पदक जित्दै लिटिल लाइट मन्टेश्वरीले प्रथम स्थान हासिल गर्न सफल भएको हो ।
त्यस्तै ४ वटा स्वर्ण पदक आफ्नो पक्षमा पार्दै नर्थ पोल एकेडेमी दोस्रो च्याम्पियन बन्न सफल भएको हो । उक्त खेलमा पुरुषतर्फ बिनित मगर र महिलातर्फ इन्दू शाही उत्कृष्ट खेलाडी बन्न सफल भएकी थिइन् ।
कार्यक्रमलाई सम्बोधन गर्दै आईटीएफ नेपालका केन्द्रीय अध्यक्ष चेतनराज गिरीले आगामी दिनमा थप उत्साहका साथ अघि बढ्ने विश्वास व्यक्त गरे । तेक्वान्दोले सानैबाट आत्मरक्षा सिकाउने भन्दै आफ्ना बालबालिकालाई त्यसर्फ आकर्षित गर्न आग्रह गरे ।
यो खबर पढेर तपाईलाई कस्तो महसुस भयो ?
प्रतिक्रिया