बारीमा उम्रिएको च्याउ खाएर बिरामी परेका एक जनाको मृत्यु

काठमाडौं । तनहुँको व्यास नगरपालिका–६ शान्तिटोलमा बारीमा उम्रिएको च्याउ खाँदा बिरामी परेका एक जनाको मृत्यु भएको छ । म्याग्दे गाउँपालिका–६ सर्वलाङका ३० वर्षीय नारायण मगरको मृत्यु भएको जिल्ला प्रहरी कार्यालयले जनाएको छ ।

गत शुक्रबार राति च्याउ खाँदा बिरामी परेका १० जनामध्ये पोखरामा उपचारका क्रममा नारायणको सोमबार मृत्यु भएको जिल्ला प्रहरी कार्यालयका प्रहरी नायब उपरीक्षक अशोक थापाले जानकारी दिए । उनकाअनुसार बिरामी परेका नौ जनाको अवस्था खतरामुक्त छ ।