आजदेखि सिचुवान एयरलायन्सले ‘पोखरा–छेन्दु’ उडान भर्दै

काठमाडौं । चीनको छेन्दुबाट पोखरा अन्तर्राष्ट्रिय विमानस्थलमा आजदेखि नियमित व्यावसायिक चार्टर उडान सुरु हुने भएको छ । विमानस्थल उद्घाटन भएको दुई वर्ष पछि पहिलोपटक सिचुवान एयरलायन्सको जहाजद्वारा आजदेखि नियमित व्यावसायिक चार्टर उडान सुरु गर्न लागेको हो ।

आज पहिलोपटक सिचुवान एयरलायन्सको जहाजबाट १२६ यात्रु छेन्दु जाँदैछन् । उडान नियमित गर्ने प्रयास स्वरुप सिचुवान एयरलायन्सले छेन्दुबाट तीन वटा चाटर्ड उडान गर्ने सुनिश्चित गरेको जनाएको छ ।

चाटर्ड उडानका लागि एयरलायन्सले हाल भाडादर ६२ हजार रुपैयाँ तय गरेको छ । एयरलायन्सले तीनवटा चाटर्ड उडान पछि नियमित उडानको भाडादरसहित उडान तालिका ल्याउने जनाएको छ ।