काठमाडौं । ईभी कार भन्ने बित्तिकै मानिसहरूको चिन्ता भनेको यसको ग्राउन्ड क्लियरेन्स र माइलेजमा रहन्छ । त्यसबाहेक हावा पानी वा भूगोलका कारण पनि यसले पूर्ण क्षमतामा काम गर्छ कि गर्दैन भन्ने चिन्ता धेरैलाई रहन्छ ।
नेपालजस्तो विविधतायुक्त भूभागमा यसले राम्रोसँग काम गर्ला कि नगर्ला भन्ने चिन्ता धेरैलाई हुनसक्छ । चरम गर्मी र माइनस तापक्रममा रहने स्थानहरूमा समेत यसले काम गर्ला कि नगर्ला भन्ने चिन्ता हुनु स्वाभाविकै हो । त्यसबाहेक नेपालको बाटोमा धेरै खाल्डाखुल्डी हुने, कतिपय स्थानका सडक धुलाम्मे र हिलाम्मे हुने तथा कतिपय अफ रोडहरूमा ठुला ठुला ढुङ्गासमेत हुँदा ईभी गाडीमा गई हाल्न प्रयोगकर्ता हिचकिचाइरहेका छन् ।
तर नेपाली बजारमा हालसालै भित्रिएको सेरेस थ्री कारको ड्राइभिङ क्यापासिटी, पर्फमेन्स आदिबाट भने अब नेपाली बजारमा इलेक्ट्रिक एसयुभी कारको सम्भावना र भविष्य छ भन्ने पुष्टि गरेको छ ।
नेपाल एट वण्डर टिमले नेपालमा भित्राएको सेरेस थ्री एसयुभी कार सहजरुपमा चिनसँग सिमाना जोडिएको अप्पर मुस्ताङ र कोरला नाका मात्रै पुगेन, न माइलेजमा समस्या आयो न कच्ची र धुलाम्मे बाटोमा कुनै समस्या देखियो ।
१९० एमएमको ग्राउन्ड क्लियरेन्स र २,६५५ एमएमको ह्वील बेस भएको कारण खाल्डाखुल्डी र ढुङ्गा थुप्रिएको बाटो पनि सहजपुरमा पार गर्न सक्यो ।
नेपाली भूभाग र ईभीको अवस्था
नेपालको विविधतायुक्त भू-भागमा गाडी चलाउन धेरै चुनौतीहरू आउने गर्दछन् । यहाँका बाटाहरू भिरालो पहाड, उबड–खाबड र धुलाम्य छन् । नेपाली सडक संरचनाले केवल सहरभित्रको सहज यात्राका लागि मात्र होइन, कठिन बाटाहरू पार गर्न सक्ने गाडीको पनि माग गर्दछ । अधिकांश विद्युतीय सवारी साधनहरू सहरी क्षेत्रमै केन्द्रित हुन्छन्, तर नयाँ सेरेस थ्री यस्ता कठिन भू-भाग पनि सहजै पार गर्न विशेष रूपमा डिजाइन गरिएको छ । यसको मजबुत इन्जिनियरिङ र बलियो संरचनाले यसलाई अन्य ईभीले पार गर्न नसक्ने बाटाहरू सहजै पार गर्न सक्षम बनाउँछ ।
नेपालको कठिन भू-भागमा सेरेस थ्री उत्कृष्ट देखिन्छ किनभने यसले आफ्नो सेगमेन्टमा सबैभन्दा राम्रो ग्राउन्ड क्लियरेन्स अर्थात् १९० एमएमको ग्राउन्ड क्लियरेन्स दिएको छ । त्यसबाहेक यसको ह्वील बेस पनि २,६५५ एमएमको छ । यस उन्नत ग्राउन्ड क्लियरेन्स र ह्वीबेसका कारण यो गाडी सजिलै ढुङ्गाहरू माथि उक्लिन सक्छ, ठुला खाल्डाहरू पार गर्न सक्छ र पानीका अवरोधहरू सहजै छिचोल्न सक्छ । सेरेस थ्री धेरै उचाइ भएका पहाडी क्षेत्र, अफ-रोड ट्रेल्स, धुलाम्य बाटाहरू र कठिन भू-भाग सहजै पार गर्न सक्षम छ ।
सेरेस थ्रीमा बलियो सस्पेन्सन सिस्टम जडान गरिएको छ, जसले नेपालका उबड–खाबड बाटाहरू सहजै पार गर्न मद्दत गर्छ । यसमा समावेश गरिएको उन्नत शक एब्जरबिङ टेक्नोलोजीले यात्रा आरामदायी बनाउँछ र झट्काहरू कम गर्छ । चाहे हिमाली क्षेत्र मुस्ताङ जाऊँ वा अग्लो भू-भागमा रहेको गुफाडाँडा, सेरेस थ्रीले सबै ठाउँमा सन्तुलन र आराम सुनिश्चित गर्दछ ।
कोरला नाकासम्म सजिलै पुग्यो सेरेस थ्री
नेपाल एट वण्डर टिमले सेरेस थ्रीलाई कोरला नाकासम्म लिएर गएको थियो, जसका कारण यो ईभी नेपाल–चीनको उच्च पहाडी सिमानासम्म पुग्ने पहिलो विद्युतीय एसयुभी बन्न सफल भएको छ । यो क्षेत्र कडा धुलाम्य बाटो, ढुङ्गाले भरिएको उकालो र उच्च गतिको बतास चल्ने ठाउँका रूपमा प्रसिद्ध छ । धेरै ईभीहरू यस्ता कठोर परिस्थितिमा चल्न असक्षम हुन्छन् तर सेरेस थ्रीले सफलतापूर्वक यो यात्रा पनि पूरा गर्यो । यसको उत्तम अफ-रोड क्षमता, उच्च ग्राउन्ड क्लियरेन्स र बलियो बनावटले कठिन बाटाहरू सहजै पार गर्दै यो नेपालकै लागि बनेको हो भन्ने प्रमाणित गर्यो ।
सेरेस थ्रीको मुख्य विशेषता टिकाउपन हो जसले यसलाई नेपालको मौसम र भू-भागका लागि उपयुक्त बनाउँछ । यसको बलियो संरचना, मजबुत अन्डरक्यारेज र दरिलो बनावटले अफ-रोड ड्राइभिङलाई सुरक्षित बनाउँछ । चाहे दैनिक यात्रा होस् वा कठिन बाहिरी अनुभव, सेरेस थ्री यात्राको विश्वसनीय साथी बन्न सक्छ ।
नेपालजस्तै भूभागका लागि डिजाइन भएको ईभी कार
सेरेस थ्री साधारण विद्युतीय गाडी होइन, यो नेपालका चुनौतीपूर्ण भू-भाग पार गर्न विशेष रूपमा डिजाइन गरिएको गाडी हो । चाहे सहरभित्रको यात्रा होस्, पहाडी भूभाग छिचोल्न होस् वा टाढाका दुर्गम गाउँहरू पुग्न होस्, सेरेस थ्रीले अतुलनीय शक्ति, आराम र टिकाउपन प्रदान गर्छ । विद्युतीय सवारीले अफ–रोड क्षमतामा सम्झौता गर्नुपर्छ भन्ने भ्रम तोड्दै सेरेस थ्रीले उत्कृष्ट सस्पेन्सन, उच्च ग्राउन्ड क्लियरेन्स र अफ-रोड कार्यक्षमताका साथ नेपालका चुनौतीपूर्ण भू-भाग सहजै पार गर्छ । सेरेस थ्री गाडी विशेष गरी नेपालको चुनौतीपूर्ण भूभागमा गुड्नकै लागि बनेको हो किनभने यसमा अगाडि आउने बाटाहरू नेभिगेट गर्न चाहिने सबै थोक समावेश हुन्छ ।
यो खबर पढेर तपाईलाई कस्तो महसुस भयो ?
प्रतिक्रिया