हत्या गरी फरार रहेका व्यक्ति पक्राउ

काठमाडौं । हत्यामा संलग्न रही फरार रहेका व्यक्तिलाई प्रहरीले सोमबार पक्राउ गरेको छ ।

 पक्राउ पर्नेमा कागेश्वरी नगरपालिका-६ मुलपानी पाटिटार बस्ने रोल्पा परिवर्तन गाउँपालिका-३ ईरिवाङ घर भएका ५७ वर्षीय हिमाल बुढामगर रहेका छन् । 

उनलाई काठमाडौं उपत्यका अपराध अनुसन्धान कार्यालय टेकुबाट खटिएको प्रहरी टोलीले काठमाडौं मुलपानी एरियाबाट पक्राउ गरेको हो ।

उनले भक्तपुर मध्यपुर थिमी नगरपालिका-९ बोडे बस्ने ६५ वर्षीय ओम प्रकाश राईको आइतबार बिहान हत्या गरी फरार भएका थिए ।   

उनलाई आवश्यक अनुसन्धान तथा कारबाहीको लागि प्रहरी वृत्त थिमी पठाइएको छ ।