तीनकुनेमा हवाई फायर, प्रदर्शनकारीहरूलाई सिनामंगल र कोटेश्वरतर्फ लखेटियो

काठमाडौं । राजावादीहरूको प्रदर्शनका कारण तीनकुनेको स्थिति तनावग्रस्त भएपछि प्रहरीले हवाई फायर गरेको छ ।

घरमा लगाइएको आगो निभाउन गएको दमकललाई समेत प्रदर्शनकारीले ढुंगा हानेपछि प्रहरीले सुरुमा अश्रुग्याँस प्रहार गरेको थियो । त्यसपछि पनि स्थिति नियन्त्रणमा नआएपछि प्रहरीले हवाई फायर गरेको हो । 

प्रहरीले राजावादीहरूले बनाएको मञ्च तोडफोड गरेको छ भने प्रदर्शनकारीहरूलाई कोटेश्वर र सिनामंगलतर्फ लखेटिरहेको छ ।