राजावादीको प्रदर्शनमा सशस्त्र प्रहरीका सात घाइते, केही प्रदर्शनकारी पनि घाइते

काठमाडौं । राजावादीहरूको प्रदर्शनका कारण तीनकुनेको स्थिति तनावग्रस्त भएपछि प्रहरीले स्थिति नियन्त्रणमा लिन गोली प्रहार गरेको छ । 

राजावादी–प्रहरी झडपमा केही प्रदर्शनकारी घाइते भएका छन् ।  झडपका क्रममा ७ जना सशस्त्र प्रहरी घाइते भएका छन् । झडपका क्रममा घाइते भएकामध्ये ४ जनाको कान्तिपुर अस्पतालमा उपचार भइरहेको सुरक्षा स्रोतले जनाएको छ । 

आज शुक्रबार वर्तमान व्यवस्थाको विरोधमा राजावादीले गरेको प्रदर्शन हिंसात्मक बनेको हो ।