मुस्लिम समुदायले इद मनाउँदै, आज सार्वजनिक बिदा

काठमाडौं ।  इस्लाम धर्मावलम्बीहरूले आज इद (इद उल फित्र) पर्व मनाउँदै छन् । आज सरकारले यस पर्वको अवसरमा सार्वजनिक बिदा दिएको छ । गृह मन्त्रालयका प्रवक्ता एवं सहसचिव रामचन्द्र तिवारीका अनुसार, २०८० माघ २९ को नेपाल राजपत्रमा प्रकाशित सूचनाअनुसार आज सार्वजनिक बिदा दिइएको हो ।

एक महिने रमजान पर्व समापन भएको अवसरमा मुस्लिम समुदायले विशेष नमाज पाठ गरी यो पर्व मनाउने गर्छन् ।