काठमाडौं । साल्ट ट्रेडिङ कर्पोरेसनले चुक्ता पुँजीको १० प्रतिशत लाभांश आफ्ना शेयरधनीहरुलाई वितरण गर्ने घोषणा गरेको छ । साल्ट ट्रेडिङ कर्पोरेसनको शुक्रबार सम्पन्न ५८औँ वार्षिक साधारण सभाको अवसरमा उक्त घोषण गरेको हो ।
सञ्चालक समितिका अध्यक्ष प्रदीपलाल श्रेष्ठको अध्यक्षतामा सम्पन्न सो साधारण सभाले वार्षिक प्रतिवेदन, वित्तीय अवस्था, नाफा-नोक्सानी विवरण, नगद प्रवाह विवरण तथा लेखा नीतिमाथि छलफल गरी पारित पनि गरेको हो ।
अध्यक्ष श्रेष्ठले कर्पोरेसनको समग्र आर्थिक अवस्था सन्तोषजनक रहेको बताउँदै नुन, खाद्य वस्तु, रासायनिक मल तथा अन्य सामग्रीको कारोबारबाट रु १३ अर्ब ३५ करोड ३ लाख बराबरको कारोबार भएको जानकारी दिए ।साथै उनले आर्थिक वर्ष २०८०/८१ मा कर्पोरेसनले रु १ अर्ब ४ करोड ९७ लाख नाफा आर्जन गर्न सफल भएको पनि जानकारी दिए ।
त्यसैगरीअध्यक्ष श्रेष्ठले कर्पोरेसनले नेपाल सरकारको निर्देशन पालना गरी खास वस्तुहरुमा लागत मूल्य भन्दा कम मूल्यमा सामान बिक्री गरी सामाजिक उत्तर दायित्व समेत वहन गरेको जानाकारी दिए ।
अध्यक्ष श्रेष्ठले नेपाल सरकारको नीति अनुरूप गुणस्तरीय वस्तुहरूको आपूर्ति व्यवस्थापन गर्दै राष्ट्रिय तथा अन्तर्राष्ट्रिय बजारमा कर्पोरेसनलाई मजबुत बनाउन नवीनतम तथा सिर्जनशील व्यापारिक रणनीति अवलम्बन गर्ने प्रतिबद्धता व्यक्त गरे ।
यो खबर पढेर तपाईलाई कस्तो महसुस भयो ?
प्रतिक्रिया