काठमाडौं । त्रिभुवन विश्वविद्यालय क्याम्पस, कीर्तिपुरमा रोकिएको स्ववियु निर्वाचनका लागि मतदान सुरु भएको छ। निर्वाचन आज बिहान ८ बजे सुरु भएको हो ।
यस अघि चैत ५ गते तोकिएको निर्वाचन विद्यार्थी संगठनबीच विवाद पछि स्थगित भएको थियाो । त्यसपछि चैत ८ गतेका लागि तोकिएको निर्वाचन उच्च अदालत, पाटनको अन्तरिम आदेशका कारण स्थगित भएको थियो।
स्ववियु निर्वाचनमा विभिन्न विद्यार्थी संगठनका उम्मेदवारहरूबीच प्रतिस्पर्धा भइरहेको छ। अखिलका सिद्धान्त भट्ट, नेविसंघका दीपक जोशी, अखिल क्रान्तिकारीका प्रवीन दाहाल तथा स्वतन्त्र उम्मेदवार पद्मा भुसाल र उज्ज्वल खड्काले उम्मेदवारी दिएका छन् ।
आज क्यापसका ६ हजार १४६ जना मतदाताहरुले मतदान गर्नेछन् । मतदान प्रक्रिया अपराह्न ४ बजेसम्म सञ्चालन हुनेछ।
यो खबर पढेर तपाईलाई कस्तो महसुस भयो ?
प्रतिक्रिया