काठमाडौं । प्रतिपक्षी दल राष्ट्रिय स्वतन्त्र पार्टी (रास्वपा) ले कुलमान घिसिङ मन्त्रीप्रति लोयल नभएको भन्दै सरकारले विद्युत प्राधिकरणबाट हटाएको भन्ने प्रधानमन्त्रीको अभिव्यक्तिमा आपत्ति जनाएको छ ।
आज बसेको प्रतिनिधि सभा बैठकमा प्रधानमन्त्री केपी शर्मा ओलीले सम्बोधन गर्दै कुलमानलाई प्राधिकरणबाट हटाइएको र पछिल्ला घटनाक्रमबारे धारणा सार्वजनिक गरेका थिए ।
त्यसक्रममा ओलीले कुनै राष्ट्रसेवक कर्मचारी मन्त्रीप्रति लोयल नहुने हो भने काम गर्न असहज हुने भन्दै हटाइएको टिप्पणी रेका थिए ।
त्यसपछि बोलेका रास्वपा सांसद मनिष झाले कर्मचारी मन्त्रीप्रति कि राज्यप्रति लोयल हुने भन्दै प्रश्न गरे ।
‘आज प्रधानमन्त्रीले सम्बोधन गरेर जाँदै गर्दा भनेर जानुभयो कि उ मन्त्रीप्रति लोयल हुने, कर्मचारी मन्त्रीप्रति लोयल हुने कि देशप्रति ? मन्त्रीको चाप्लुसी गर्नलाई कोही कर्मचारी आउँछ ? कस्तो कुरा गरेर जानुभयो उहाँले ? मन्त्रीप्रति लोयल भएन त्यसैले सरुवा गरियो रे ! राज्यप्रति, राज्यले तोकेको उसको जब डिस्कृप्सनप्रति, उ जे कार्यविधि लिएर आएको छ त्यो प्रति, उसको संस्थाको लक्ष्यप्रति, यी कुराहरुप्रति लोयल हुने कर्मचारी हामीलाई चाहिएको छ,’ उनले भने ।
उनले प्रधानमन्त्रीको भनाइप्रति आपत्ति जनाउँदै कि त्यो गलत आशय कि त त्यो गलत संस्कार हो भन्दै प्रश्न गरे ।
त्यस्तै गत शुक्रबार तीनकुनेमा भएको घटनाप्रति आफू र आफ्नो पार्टीको कतैपट्टी पनि समर्थन नरहेको जानकारी गराए । साथै तीनकुनेको आगो लगाइएको मार्बल हाउसको तेस्रो तल्लामा रास्वपा निकट व्यवसायीको कम्युटर पसल रहेको र त्यसमा समेत लक्षित गरिएको बताए । प्रमुख सचेकतको समेत गाडी जलाइएको भन्दै त्यो दिनको प्रहारमा आफूहरु लक्षित गरेकाले आफूहरु असुरक्षित रहेको समेत बताए ।
यो खबर पढेर तपाईलाई कस्तो महसुस भयो ?
प्रतिक्रिया