काठमाडौं । राष्ट्रिय प्रजातन्त्र पार्टी (राप्रपा) ले माईतीघर मण्डलामा विरोध प्रदर्शन गरेको छ ।
सोमबार चैत्र १५ गतेको विरोध प्रदर्शनका क्रममा पक्राउ परेका नेता कार्यकर्ताहरुलाई बिना शर्त रिहा गर्न माग गर्दै विरोध प्रदर्शन गरेको हो ।
१५ गतेको प्रदर्शनका क्रममा हिंसा भडकाएको आरोपमा राप्रपा वरिष्ठ उपाध्यक्ष रविन्द्र मिश्र र महामन्त्री डा. धवल शमशेर जबरासहित अन्य प्रदर्शनकारीहरुमाथि पनि सरकारले पक्राउ गरी मुद्दा चलाएको छ ।
प्रदर्शनकारीहरुले आफ्ना केही नेताहरुलाई झुठा मुद्दा लगाएर पक्राउ गरिएको भन्दै ‘मृतकलाई शहीद घोषणा गर, घटनाको न्यायोचित छानविन गर, नालायक सरकार राजीनामा दे’ लगायतका प्लेकार्ड नारा लगाएर विरोध प्रदर्शन गरेका छन् ।
यो खबर पढेर तपाईलाई कस्तो महसुस भयो ?
प्रतिक्रिया