आईपीएलमा आज : कोलकातालाई हराउँदै मुम्बईले खोल्ला त जितको खाता ?

काठमाडौं । इण्डियन प्रिमियर लिग (आईपीएल) मा आज मुम्बई इण्डियन्स र कोलकाता नाइट राइडर्स बीच भिडन्त हुँदैछ ।

मुम्बई इण्डियन्सको घरेलु मैदान वान्खडे स्टेडियममा हुने खेल नेपाली समय अनुसार राति ७ः४५ बजे सुरु हुनेछ ।

दुवै टोलीको यो तेस्रो खेल हो । यसअघि भएका दुवै खेलमा मुम्बई पराजित भएको थियो । दुवै खेल हारेर अंकविहीन मुम्बई तालिकाको पुछारमा छ भने यता कोलकाता २ खेलमा १ जित र १ हारका व्यहोर्दै तालिकाको छैँटौ स्थानमा रहेको छ ।

आईपीएलमा हालसम्म कोलकाता र मुम्बईले ३४ पटक एक अर्कासँग भिडेका छन् ।

जसमा मुम्बईले २३ पटक जित हात पार्दा कोलकाताले ११ पटक मात्रै जित हात पारेको छ ।