मलेसियाको ग्यास पाइपलाइनमा आगलागी, ११२ जना प्रभावित

एजेन्सी । मलेसियाको राजधानी क्वालालम्पुर नजिकैको सेलाङ्गोर राज्यमा ग्यास पाइपलाइनमा भीषण आगलागी हुँदा ११२ जना प्रभावित भएका छन् । घटनामा ६३ जना घाइते भई अस्पताल भर्ना भएका छन् ।

आगलागीका कारण कम्तीमा ४९ घरमा क्षति पुगेको छ । सुरक्षाका लागि मुख्य ग्यास पाइपलाइन बन्द गरिएको छ भने एलिट राजमार्गका विभिन्न भागहरू अस्थायी रूपमा बन्द गरी वैकल्पिक मार्ग प्रयोग गर्न आग्रह गरिएको छ । प्रधानमन्त्री अनवर इब्राहिमले पीडितहरूलाई तत्काल सहायता उपलब्ध गराउन निर्देशन दिएका छन् ।