काठमाडौं । भाटभटेनी सुपरमार्केटका मालिक मीनबहादुर गुरुङले चैत १५ गतेको घटनामा मृत्यु भएका दुई युवाको परिवारलाई आर्थिक सहयोगको घोषणा गरेका छन् ।
गुरुङले आन्दोलनका क्रममा ज्यूँदै आगो लगाएर मारिएका पत्रकार सुरेश रजक र प्रहरीको गोली लागेर मृत्यु भएका सविन महर्जनको परिवारलाई आर्थिक सहयोगको घोषणा गरेका हुन् ।
आज कोटेश्वरस्थित भाटभनेटीमा आयोजित सम्मान कार्यक्रममा बोल्दै सुरेशको परिवारलाई ५ लाख र सविनको परिवारलाई ३ लाख दिने घोषणा गरेका हुन् ।
‘सुरेशको परिवारलाई भाटभटेनीको तर्फबाट ५ लाख रुपैयाँ प्रदान गर्छौँ साथै अर्का युवा सविन महर्जनको परिवारलाई ३ लाख रुपैयाँ प्रदान गर्ने घोषणा गर्दछु,’ उनले भने ।
गुरुङले आज सो कार्यक्रममा भाटभटेनीको सेक्युरिटी गार्ड कृष्णप्रसाद पराजुलीलाई ५ लाख १ हजार ११ रुपैयाँसहित सम्मान समेत गरेका छन् ।
पराजुलीले चैत १५ गते आन्दोलनका क्रममा राजावादीहरुले सुपरमार्केटमा लुटपाट गरेका थिए । तर सो क्रममा पराजुलीले ती राजावादी समर्थकहरुलाई लट्ठीले हिर्काउँदै भाटभटेनीलाई लुटपाटबाट जोगाएका थिए ।
यो खबर पढेर तपाईलाई कस्तो महसुस भयो ?
प्रतिक्रिया