सुनको मूल्यमा आज पनि नयाँ रेकर्ड, तोलाको १ लाख ८० हजार नाघ्यो

काठमाडौं । नेपाली बजारमा फेरि सुनको मूल्यले नयाँ रेकर्ड कायम गरेको छ । हालसम्मको सबै रेकर्ड तोड्दै छापावाल सुनको मूल्य प्रतितोलामा १ लाख ८० हजार ३०० रुपैयाँ पुगेको नेपाल सुनचाँदी व्यवसायी महासंघले जनाएको छ ।

महासंघका अनुसार बुधबार छापावाल सुनको मूल्य तोलामा १ लाख ७९ हजार १०० रुपैयाँ कायम भएको थियो । यस आधारमा बिहीबार छापावाल सुनको मूल्य १ हजार २०० रुपैयाँ बढेर हालसम्मकै उच्चबिन्दुमा पुगेको हो । 

त्यस्तै चाँदीको मूल्य भने घटेको छ । बुधबार तोलामा २ हजार २० रुपैयाँ कायम भएको चाँदीको मूल्य बिहीबार घटेर तोलामा १ हजार ९९५ रुपैयाँ कायम भएको महासंघले जनाएको छ ।