सर्बिया पठाइदिन्छु भनी ३२ लाख ठगी, एकजना पक्राउ

काठमाडौं ।  वैदेशिक रोजगारीका लागि सर्बिया पठाइदिने भन्दै  ३२ लाख ठगी गरेको अभियोगमा  एक जनालाई प्रहरीले पक्राउ गरेको छ 

कागेश्वरी मनोहरा नगरपालिका–४ बस्ने भक्तपुरको भक्तपुर नगरपालिका–५ घर भएका २८ वर्षीय सुरेश माकलाई सर्बिया पठाइदिने भन्दै ठगी गरेको अभियोगमा पक्राउ गरिएको काठमाडौं उपत्यका अपराध अनुसन्धान कार्यालयका प्रहरी उपरीक्षक अङ्गुर जिसीले जानकारी दिए।

उनले भने, ‘सुरेशले सर्बिया पठाइदिन्छु भन्दै पाँचजना पीडितहरूबाट  ३२ लाख लिई सम्पर्कविहीन भएको भन्ने पीडितको उजुरीका आधारमा काठमाडौंको बौद्धबाट पक्राउ गरिएको हो ।’ पक्राउ परेका सुरेशलाई आवश्यक अनुसन्धान तथा कारबाहीका लागि वैदेशिक रोजगार विभाग ताहाचल पठाइएको जिसीले बताए ।