बबरमहलमा मोटरसाइकलले स्कुटरलाई ठक्कर दिँदा एकको मृत्यु, दुई घाइते

काठमाडौं । मोटरसाइकल दुर्घटनामा एक जनाको मृत्यु भएको छ भने  अन्य दुई जना घाइते भएका छन् ।

काठमाडौं महानगरपालिका–११ बबरमहलस्थित सडकमा प्र २-०३-०१८प ५८३४ नंको स्कुटरलाई प्र ३-०२-०१०प ६९५४ नंको मोटरसाइकलले ठक्कर दिँदा मोटरसाइकल चालक अन्दाजी ३० वर्षीय पुरुषको मृत्यु भएको हो ।

मृतकको परिचय नखुलेको ती व्यक्तिको राष्ट्रिय ट्रमा सेन्टरमा उपचारका क्रममा मृत्यु भएको जिल्ला प्रहरी परिसर काठमाडौंका प्रवक्ता प्रहरी उपरीक्षक अपिलराज बोहराले जानकारी दिए ।