तीनकुने घटना : भाटभटेनी लुटपाटमा संलग्न व्यक्तिहरु छुट्न थाले

काठमाडौं । राजावादी प्रदर्शनका क्रममा भाटभटेनी लुटपाटमा संलग्न व्यक्तिहरू प्रहरी हिरासतबाट रिहा हुन थालेका छन् ।  

चैत १५ गते राजावादी प्रदर्शनका क्रममा कोटेश्वरस्थित भाटभटेनी सुपरस्टोरबाट स्याउ, रक्सी, लत्ताकपडा, कोल्डड्रिंक्स चोर्नेहरूलाई काठमाडौं अपराध अनुसन्धान कार्यालयको प्रहरी टोलीले विभिन्न मितिमा  पक्राउ गरेको थियो । 

उनीहरू विरुद्ध आपराधिक उपद्रव मुद्दा चलाइएको थियो । सोही ऐनअनुसार मुद्दा चलाइएका अन्य कसुरदार भने प्रहरी हिरासतमै रहेको प्रहरीले जनाएको छ ।