काठमाडौं, २३ कात्तिक । भारतका एक क्रिकेटरल नयाँ रेकर्ड कायम गरेका छन् जाहिर–बुमराह, ब्रेटली र शोएब अख्तरको बलिङ हेर्दै क्रिकेटमा लागेका १५ वर्षीय आकाश चौधरीले टी–२० म्याचमा एक रन पनि नदिई सबै १० विकेट लिएर कीर्तिमान बनाएका हुन् राजस्थानको जयपुरमा बुधबार भएको खेलमा आकाशले दिशा क्रिकेट एकेडेमीबाट खेलेका थिए । यसमा दिशा क्रिकेट एकेडेमीले पहिले ब्याटिङ गर्दै १ सय ५६ रन बनाएका थिए जवाफमा ब्याटिङमा आएको पर्ल क्रिकेट एकेडेमीले ३६ रन मात्रै बनाउन सक्यो । आकाशले पहिलो ओभरमा नै दुई विकेट लिँदै शानदार सुरुवात गरेका थिए । उनले आफ्नो दोस्रो र तेस्रो ओभरमा थप २–२ विकेट लिने भने अन्तिम ओभरमा ह्याट्रिक सहित ४ विकेट लिएका थिए जसमा ६ जना बोल्ड आउट भएका थिए भने चार खेलाडी एलबी डब्लुमा परेका थिए । उनले यसअघि पनि १५ भन्दा बढी खेलमा प्रत्येक म्याचमा ५ विकेट र केहीमा ६ देखि ७ विकेटसम्म लिएका थिए ।
यो खबर पढेर तपाईलाई कस्तो महसुस भयो ?
प्रतिक्रिया