जबरजस्ती करणी मुद्दामा फरार रहेका अभियुक्त पक्राउ

काठमाडौं । जबरजस्ती करणी मुद्दामा फरार रहेका अभियुक्तलाई प्रहरीले पक्राउ गरेको छ । पक्राउ पर्नेमा ललितपुर नखिपोट बस्ने पाँचथर फालेलुङ गाउँपालिका घर भएका २५ वर्षीय कुल बहादुर लिम्बु रहेका छन् ।

ललितपुर भैंसेपाटी बस्ने कैलालीकी १८ वर्षीया किशोरीलाई २०७५ चैत १२ गते जबरजस्ती करणी गरी फरार रहेका उनलाई महानगरीय प्रहरी परिसर ललितपुरबाट खटिएको प्रहरीले खोजी गर्ने क्रममा ललितपुर महानगरपालिका-४ नख्खु दोबाटोबाट फेला पारी पक्राउ गरेको हो ।
यस सम्बन्धमा प्रहरीले थप आवश्यक अनुसन्धान गरिरहेको छ ।