स्कुलमा सकेट बम भेटियो, डिस्पोज गर्न जाँदै सेना

काठमाडौं । हुम्लाको खार्पुनाथ गाउँपालिका–५ ताक्लामा रहेको एक विद्यालयमा दुईवटा सकेट बम फेला परेको छ । वागेश्वरी विद्यालयको खेल मैदान निर्माण गर्ने क्रममा ढुंगाको आडमै राखिएको अवस्थामा सकेट बम भेटिएको हो ।

स्कुलको आँगनमा शंकास्पद वस्तु भेटिएको थियो । प्रधानाध्यापकले विद्यालयमा भेटिएको शंकास्पद वस्तुबारे प्रहरीमा खबर गरेका थिए ।

जिल्ला प्रहरी कार्यालय हुम्लाका अनुसार बम निस्क्रिय पार्न सिमकोटबाट नेपाली सेनाको डिस्पोजल विद्यालयमा पठाइएको छ ।

शंकास्पद वस्तु भेटिएसँगै जिल्लामा सुरक्षा व्यवस्था कडा बनाइएको प्रहरीले जनाएको छ ।