एजेन्सी । विहाहको बेला बेहुलीहरु अक्सर लजाउछन् । उनीहरु नाच्ने त के बोल्न पनि हिचकिचाउछन् ।
तर एक सेलिब्रेटीले विवाहको मौकामा आफ्नो कुकुरसँग डान्स गरेकी छन् । सेलिब्रिटी डग ट्रेनर सारा कार्सन डिवानले हालै आफ्ना साथी ट्रेनर जोन डिभाइनसँग विवाह गरिन् ।
त्यसपछि उनले आफ्नो ७ वर्षको कुकुरसँग डान्स गरिन् । यो भिडियो तीब्र रुपमा सोसल मिडियामा भाइरल भइरहेको छ ।
सारा आफैंले यो भिडियोलाई सोसल मिडियामा पोष्ट गरेकी हुन् । भिडियोमा सारा र उनको कुकुर फ्रि स्टाइलमा डान्स गरिरहेको देख्न सकिन्छ । नाच्ने क्रममा कुकुरले सारामािथ चढेर आफ्नो कला पनि देखायो ।
भिडियो पोष्ट गर्दै साराले क्याप्सन लेखेकी छिन्, ‘आज मेरो लागि ठूलो दिन हो । म निकै खुसी छु कि जीवनको यात्रामा यो हिरो मसँगै रह्यो । हामीले साथमा एक उत्कृष्ट समय बितायौं ।’
भिडियो सेयर गरेपछि यो भाइरल हुन धेरै समय लागेन । अहिलेसम्म यसलाई ९० लाख बढीले हेरिसकेका छन् । एजेन्सीको सहयोगमा
यो खबर पढेर तपाईलाई कस्तो महसुस भयो ?
प्रतिक्रिया