अमेरिका-इरान विवादमा चीनको ईन्ट्रि, यसकारण चीनको टाउको दुखाइ !

लोकपथ संवाददाता

२०७६,पुष,२९,मंगलवार १५:२१

काठमाडौं । अमेरिका र इरानबिचको तनावमा चीनको ईन्ट्रि भएके छ । मध्यपूर्वमा तनाव बढेको समयमा पश्चिमा राष्ट्रहरु एक भएर इरानमाथि दबाब सिर्जना गर्दा चीनलाई चिन्ताको विषय बनेको हो ।

गत बुधबार इरानले इराकस्थित अमेरिकी अखडामा गरिएको मिसाइल आक्रमणको क्रममा भौतिक रुपमा निकै क्षति भएको भिडियो सार्वजनिक भएको छ । सो आक्रमणका क्रममा अमेरिकी सेना बंकरमा रहेकाले मानवीय क्षति हुन नपाएको बताइएको छ । सो आक्रमण अमेरिकी अखडा अल असदमा भएको थियो ।

इरानको मिसाइल आक्रमणको कारण भएको भौतिक क्षतिको भिडियो

अमेरिकाले जनवरी २ मा बग्दाद अन्तर्राष्ट्रिय विमानस्थलमा ड्रोन आक्रमण गरी इरानी सैन्य कमान्डर जनरल कासिम सुलेमानीको हत्या गरेपछि अमेरिका इरानबीचको तनाव चुलिएको छ । सारा विश्वको ध्यान अहिले अमेरिका र इरानबिचमा के साँच्चै युद्ध हुँदैछ भनेर मानिसहरुले शंका गर्न थालेका छन् । यो यथार्थ हो कि अमेरिका र इरानबीच युद्धको संकेत आईरहेको छ । इरानले इराकस्थित अमेरिकी सैन्य बेस क्याम्पमा जवाफी कारबाही गरेको थियो । जनवरी ८ मा युक्रेनी विमान खसालेको पनि स्वीकार गरिसकेको छ ।

इरान अमेरिकाबीचको तनावलाई अमेरिकासँग व्यापार युद्ध चलिरहेको चीनले कसरी हेरिरहेको छन् भन्‍ने विषय विश्वको ध्यान गइरहेको छ ।
चीन र अमेरिकाबीचको व्यापार युद्ध समाधान हुन सकेको बेला हङकङ मामिलामा समेत अमेरिकाले हस्तक्षेप गरेको भन्दै आन्तरिक मामिलामा हस्तक्षेप नगर्न चीनले अमेरिकालाई पटक पटक चेतावनी दिइरहेको छ ।

यहीबीच सिर्जना भएको अमेरिका इरान तनावले चीनलाई आर्थिक टाउको दुखाइ बनेको छ । किनभने चीनका लागि तेल निर्यात गर्ने मुख्य मूलुक इरान हो । इरानपछि चीनको तेल आयातका मुख्य स्रोतहरु साउदी अरेबिया र इराक रहेका छन् । चीनले यी मुलुकहरुबाट दैनिक एक लाख ब्यारेल कच्चा तेल आयात गर्दछ ।

तर, सन् २०१८ मा अमेरिकाले इरानमाथि आर्थिक प्रतिबन्ध लगाएपछि उक्त निर्यात घटेको हो । सन् २०१९ को नोभेम्बरमा चीनले एक महिनामा पाँच लाख ३९ हजार १०६ टन कच्चा तेल आयात गरेको थियो । चिनियाँ भन्सार कार्यालयको तथ्यांकअनुसार अप्रिलमा ३० लाख ४० हजार टन कच्चा तेल इरानबाट आयात गरेको थियो । इरान-अमेरिका तनावले चीनमा राजनीतिकभन्दा पनि व्यापार बढी प्रभावित भएको देखिन्छ ।

सन् २०१८ यता विश्वका ठूला अर्थतन्त्र भएका मुलुक अमेरिका र चीन व्यापार युद्धमा छन् । जसले चिनियाँ औधोगिक क्षेत्रमा प्रतक्ष असर पारेको छ । सन् २०१९ को अन्तिम तीन महिनाको आर्थिक वृद्धि ६ प्रतिशत थियो, जुन सन् १९९२ पछिको सबभन्दा कम हो । निर्यात र उत्पादनमा मन्दी लागेपछि चीनको आर्थिक वृद्धिदर तीन दशककै ओरालो लागेको हो ।

चीनको बृहत् टेलिकम्युनिकेसन कम्पनी हुवावेले राष्ट्रिय सुरक्षामा खतरा उत्पन्‍न गरेको भन्दै अमेरिकाले प्रतिबन्ध लगाएको थियो ।

एजेन्सीको सहयोगमा

यस अघि अमेरिका र इरानको बारेमा लोकपथमा प्रकाशित भएको समाचार पढ्नु भएको थियो ?

इरानको २० क्षेप्यास्त्र प्रहार, कसरी चुक्यो निशाना ?

अमेरिकालाई हानी गरे इराकमाथि थप नाकाबन्दी गर्ने राष्ट्रपति ट्रम्पको चेतावनी

ट्रम्पको सम्बोधन : इरानमाथि थप प्रतिबन्धको घोषणा, अमेरिका युद्ध नगर्ने पक्षमा

इरान अमेरिकासँग पछि नहट्ने

यी हुन् डोनाल्ड ट्रम्प सम्बोधनका मुख्य बुँदा

अमेरिका इरानसँग युद्ध चाहन्छ : इरानी विदेशमन्त्री

ट्रम्पले अमेरिकालाई इरानसँग युद्धको नजिक ल्याएको पूर्व उपराष्ट्रपति जो बाइडेनको आरोप

चुलियो अमेरिका इरान विवाद, ट्रम्पको ट्वीटपछि इरानको यस्तो चेतावनी !

विदेशमन्त्रीले भने, सुलेमानीलाई मारेर अमेरिकाले ठिक गर्यो